منتديات صوت الكـــارة

شرف لنا أن تزورنا لكن لو انضممت إلينا كعضو مسجل فسيكون في ذلك تشجيع لنا على المزيد من النضال ضد كل أشكال القمع وعلى رأسها تكميم الأصوات الحرة بڭــارتنا . أخي ، أختي مرحبا مرحبا مرحبا.
شرفونا بالانضمام إلى ركبنا وشكرا على المرور.
إمضاء : إدارة المنتدى

الشهادة ضد الفساد دين في أعناقكم

نداء : إلى كل الغيورين على مدينتنا الحبيبة * إلى الضحايا و الشهود و الخصوم* إلى المناضلين الشرفاء أيا كانوا* إلى من يريد أن يسمع صوته* إلى من يريد فضح الفساد* إلي كل مواطن صالح* إلى بسطاء و صعفاء و فقراء كارتنا* إلى من ليس بيدهم حيلة* إلى من يريد أن يغير المنكر بما يستطيع* إلى إخوتنا الموظفين و أخواتنا الموظفات* إلى أعزاءنا العمال المكافحين* إلى سكان الكارة المنكوبة* سارعوا إلى الإدلاء بدلوكم في معركة الحق ضد الباطل* ساهموا في تغيير واقعكم و لو بكلمة* ناضلوا بما تستطيعون* لكن إياكم أن تبقوا ساكتين فمفسدو الكارة يظنون أن سكوتكم رضى ،فهل أنتم راضون ؟ هذا نداء لمن يتوفر على وثائق أو صور أو تسجيلات أو شهادات حية أو كل ما من شأنه أن يفضح خروقات مسؤولينا القدامى أو الجدد أو القادمين و يضع حدا لشططهم و جبروتهم و استهتارهم بالمواطنين ، المرجو إرسال ما تستطيعون إلى علبة الرسائل أسفله* أما الذين لا يتوفرون على شيئ فهم على الأقل يتوفرون على هواتفهم النقالة فليسجلوا لنا كل ما يرونه من تجاوزات في إداراتنا أو حين وصول موعد الانتخابات البرلمانية و الجماعية* سجلوا سجلوا سجلوا وارسلوا رحمكم الله* هذا إيمايل منتديات صوت الكارة نضعه رهن إشارة الجميع : sawtelgara@hotmail.com

هذه أولى بشائر التغيير في الكارة

طوال السنة الماضية رفع شباب الكارة أصواتهم بالاحتجاج و النقد والتنديد و عبروا على سخطهم في مسيرات إلكطرونية انطلاقا من منتدى الكارة ضحية أبنائها ، مرورا بمجموعات و صفحات الفايسبوك ووصولا ألى منتدى المذاكرة ومنتديات صوت الكارة وذلك للتنديد بكل شيء تقريبا من التهميش إلى الفقر ومن انقطاعات الماء والكهرباء الى نهب المال العام ومن الفساد الاخلاقي الى الفساد السياسي ومن صمت المواطنين عن حقوقهم إلى ظلم وتجبرالمسؤولين.. بالنسبة لنا، هذا في حد ذاته يعتبر انقلابا و مؤشرا حقيقيا على كون الكيل فعلا قد طفح بالكارويين وخصوصا شبابهم و على كون قدرتهم على التحمل بلغت مستوى الانفجار.. و كأن الشباب عقدوا العزم على الدخول في حرب استنزاف طويلة ضد الفساد...هذه الحرب التي يحاول مناضلون شباب من تكليلها برفع أصواتهم ميدانيا و في الأنترنت يبثون من خلالها شكواهم و تذمرهم مما أوصلت إليه مدينتهم سياسات النهب و سياسيو المصالح و لسان حالهم يقول أن "الشعب إذا يوما أراد الحياة، فلا بد أن يستجيب القدر".. و الشعب اليوم يريد و سيستجيب إن شاء الله القدر... كل هذا يدل على أن شبابنا قرروا أخذ المبادرة دون حاجة إلى يد مساعدة من أحد سواء كان حزبا أو نقابة أو جمعية أو مؤطرا متحمسا وهذا في حد ذاته مؤشر كبير على نضج هؤلاء وعلى قرب تحقيقهم لما عجز عنه آبائهم و أجدادهم.أما الأروع فهو اقتصار الأمر على أفراد عاديين قلائل دونا عن الوجوه المعروفة على الساحة الكاروية ..الكارويون إذن لم يعودوا 'خوافين' بالطبيعة.. هذه هي الحقيقة اليوم والتي يجب ان يحسن المسؤولون التعامل معها.. و بهذا وجب الافتخار حقا. و نحن نقول هذا الكلام ، لا بد أن لا ننسى مسألة على جانب كبير من الأهمية والخطورة، و هي أن الشباب لا يجب أن يتحول إلى مجرد آلة لتصنيع الشكاوى والاحتجاج و طلبات الإنصاف و المؤاخذة الإلكطرونية، بل دوره أكبر حتما في هذا التغيير و ذلك بالدخول الى المعمعة والمشاركة الفعالة و الحضور المتميز في الساحة السياسية الكاروية.

هذا زماننا فليندحروا في ماضيهم الرهيب

الأمل يجمعنا و إن فرقونا و إن صفدونا .. وإن حاربونا و إن ضايقونا و إن هددونا هذا زماننا فليندحروا في ماضيهم الرهيب .. قد جعلوا من السياسة مطية لجشعهم وحاصرونا بالوعود و غاصوا في عروقنا يمتصون دمائنا .. هذا وطننا فليخرجوا من تحت أقنعتهم حيث استوطنوا .. هذا الشباب يسير و إن أنهكه المسير .. يحمل أحلامه على كفه كلها و يجرجر آماله الجافلة إلى حيث تنتظرنا كارة لا يملكها أحـد:كارتنا نحن

ما المطلوب من المناضلين اليوم ؟

ان المسؤولين عن الجزء الأعظم من مآسينا يلقي بعضهم باللائمة على بعض وعلى محيط الكارة المتخلف عموما. لكن الكارويون الشرفاء يعرفون تماما أن أحزاب الكارة الحاكمة أو التي حكمت هي عصابات مستبدة وفاسدة وهي أصل المأساة .وما نراه من الانتفاضة الشبابية على الأنترنت سوى دليل على صحوة سياسية و أخلاقية و دينية كبيرة لدى الشباب الكاروي و هذه الصحوة ماضية في طريقها لإسقاط كل الأحزاب المحلية الفاشلة أو على الأقل إجبارها على تغيير واسع وفعلي في عملها السياسي ، تغيير يضع أسس التغيير الاجتماعي والاقتصادي والسياسي المنشود حيث تتحقق الحرية والعدالة الاجتماعية والكرامة الإنسانية وانبثاق الشخصية الكاروية المتحررة المبدعة ، فكم أعطت الكارة ولا زالت تعطي و ستعطي و في مجالات متعددة ؟. لكن ما المطلوب الآن من بعد هذه الحركية النضالية المتعددة الطرق و المناهج و الخلفيات ؟ المطلوب الآن برنامج يتوحد عليه شبابنا مع شيبنا و يحدد المطالب الاقتصادية والسياسية والاجتماعية العاجلة و بدقة ، المطلوب برنامج تتعبأ حوله القوى المناضلة الأساسية ويجذب إليه جماهير العمال اليدويين و الزراعيين والموظفين وصغار الفلاحين والتجار والحرفيين والطلاب و العاطلين و النساء... برنامج يضع في أولوياته انتزاع الحقوق السياسية و الاجتماعية و الاقتصادية لا مجرد المطالبة بها ، برنامج يقوم على احترام خصوصيات مدينتنا و منطقتنا ويضع في مقدمة الأولويات تلبية الحاجات الإنسانية الأولية بعيدا عن منطق السياسة ، برنامج يوجه فيه المنتخبون لخدمة الشعب الكادح ومستقبل شبابه لا لخدمة مصالحهم ومصالح حفنة من الرأسماليين المحليين بجشعهم الذي لا يعرف حدودا.على ألا يبقى هذا البرنامج حبيس الأذهان و الأحلام و الأوراق و الأنترنت و الحناجر بل يجب تفعيله على أرض الواقع و فرضه على النخبة السياسية المحلية عن طريق صناديق الاقتراع. إن المواطن الكاروي المسلوب الإرادة والحقوق يريد اليوم و أكثر من أي يوم مضى شغلا وسكنا وعلاجا وتعليما وخدمات اجتماعية تضامنية وحرية تعبير مضمونة وحرية سياسية حقيقية غير مشروطة... باختصار أبناء الكارة الأحرار يريدون ديمقراطية حقيقية على جميع المستويات و ليس فقط في السياسة، ومن أجل ذلك سيواصلون نضالهم..وإنها لثورة حتى النصر بعون الله

تصويت

ماذا تنوي أن تفعل لتغيير واقع الكارة ؟

 
 
 
 
 
 

استعرض النتائج

facebook

سحابة الكلمات الدلالية


    اللهم الموت ولا سبيطار الخوت ( الجزء الثاني : الجلبة )

    شاطر
    avatar
    حديدان لحرامي

    عدد المساهمات : 83
    السٌّمعَة : 0
    تاريخ التسجيل : 17/10/2010

    اللهم الموت ولا سبيطار الخوت ( الجزء الثاني : الجلبة )

    مُساهمة من طرف حديدان لحرامي في الأحد نوفمبر 20, 2011 4:00 pm

    قلنا الحمد لله ولدنا واخا شلا فلوس خسرنا ، شرينا نويميسية و كريريسة و خسرنا ميزانية في الرفيسة ، و جاونا الكاضوااااات و حياتنا بولدنا ضوات ، و قلنا هم الولادة لحناه ورانا ساعة هو باقي كيحوم حدانا : ها التقياد في الكناش ها البول في الفراش ها المرا ما فيها حليب ها لفلوس هربات من الجيب ، جيب الرضاعة و السكاتة لاش الهضرة ، علاه شحال كيدير كاع الحليب غبرة ، ڭلت ليهم : "مو ترضعو يا حضرة" ، ڭالو دارهم : "مال أم الولد ولات بڭرة ؟ فهم راسك راه السيدة باقة خضرا ، متخسر الخاطر ما تلعب العشرة.
    ملي تزاد الولد (الله يبارك فيكم) ڭالو ليا : "وذن ليه في ودنيه باش ربي إن شاء الله يهديه و باش الواد لي جا ما يديه" قلت في خاطري : "ما باغيه طبيب ما باغيه فقيه ، ما باغيه يقرا ما باغي ينجح بتنويه ، باغيه غير ما يمرضش باش مانعاودش نحط رجليا في هذاك السبيطار"... ونسيت الجلبة وليت أسيادي نديه أنا و على وعدي و سعدي ، مع المرا عندي مكتخرجش غير من دار والديها للسبيطار للروضة نيشان و مع خوكم يلا خرج مع المرا كيولي حشمان ، ها البرڭاڭة ها عباد الحضيان.
    وصلنا للسبيطار القديم : بناية من عهد الاستعمار ، مشيدة بألواح (بريفابريكي) خلاوها لڭور لي بناوه ، الحايط لي داير بيه عيّاه الزمان تكى ليه على جنب ، كيجيو يڭعدوه من جيهة كيتكى ليهم على الجنب لاخر ، طرف فيه طاح عليه الضيم يا كرام و تفركتو حجارو دارو عرّام ، البوّالة ردوه مرحاض حتى رشى و ولى أنقاض .من الداخل جاجو ما هو جاج ، تڭوليه كوري ديال الدجاج ، و بالخنز فيه تتبنج بلا بنّاج ، و الله يحفظ يلا ما حنكك يعواج.الكراسى من عهد كورنيس و ديما فيه الزحام و الداحيس و يلا صبات الشتا يولي كامل غيس.
    دخلنا للسبيطار للسبيطار قاليك يوا دابا شد النوبة و حشمت مع غير لعيالات و الغرارش و ترى ألوان و أشكال ديال الموانط تصحب راسك غير في قيسارية وحتى انا جاي ملفف الدري في مانطة و جايب معايا خويا و نسيبي بحال يلا باغين نتحاماو خايف نتعطل على مول الطوموبيلا لي وصلنا مسكين و ضيع شي مول كرويلة في خمسة الدراهم ، حيث لكراول هوما لابيلانصات ديال الكارة و تقول بوزيانات دايرين كونطرا مع صحاب لكراول و دارو السبيطار الجديد بعيد باش يتحركو الكرارس و خلاو السبيطار لقديم بعيد على بنادم عوض يديرو مستوصفات في كل تجمع سكني أو قافلة ديال الجلبة تدور في الأحياء على فترات.
    المهم ڭـالو ليا شي فرمليات سولتهم : "سير شري الشوكة أي لبرا" قلت ليهم في خاطري : "را خوتكم في السبيطار الجديد دڭـوها ليا في مصاصطي بجوج" مشينا شريناها ، ڭـاليك : "سير جيب الكارني" ، نصحبهم داويين على كناش الحالة المدنية ، ڭـاليك لا الكارني ديال الجلبة قلت ليهم : "ياك ياسمينة بادو عاطياكم كارنيات بالشايط" ، ڭـالو ليا : "وايني فيك بزاف ديال لفهامات ، سير جيب الكارني" ، عاد واحد السيدة ڭـالت ليا : "سير شري كارني من عند مول الحانوت بجوج دراهم وبلا ما تجبد على راسك النحل" ... هي القضية فيها الشوكة و النحل و الدڭـان ؟ مشيت عند موحماد قلت ليه : "بغيت كارني" ، ڭـال ليا : "مكنديرش لكريدي" ، ڭـلت ليه : "ديال الجلبة" ، جبد ليا مذكرة صغيرة مصايبها غير هوا و مدير ليها غلاف خضر ڭـلت ليه : "طليتو خضر آش داني نولد؟" .
    يوا ما نعاودش ليكم سوق رب العالمين مع كاين يوماين في السيمانة ديال الجلبة صافي ، و تڭـول الكارة كلها ولدت في نفس الوقت مع مرتي ، يوا تسنى بالسوايع و لي عندو من يوقف معاه مكيوقفش معانا حنا ، كيدخلوه من باب من لاور ، أما ملي وصلتنا مولاتي النوبة و دخلت الدري ندمت حتى جبتو يجلب آش منك يا معاملة واش منك يا احترافية ، معمرني شفت شي دڭـان لبرا بحال الطريقة لي كيجلبو بيها فرملياتنا و تڭـول مغددات على الدراري ولا خدامات بزز منهم أو مكيخلصوهومش : ماشي كيدڭـو ليه الشوكة كيغرسوها واقيلا هذا علاش شحال من واحد كيطلع محترف في غريس لمواس ، أما واحد جوج نقيطات ديال فيتامين د هذوك كيوركو على حنيكات الدري و يحلو ليه فمو صحة و يسيبوهم ليه و هو كيبكي مع وعتوه حتى يبغي يجيف ، و عاد لعبار ديال الطول وبحال الخياطات تبارك الله كيجرو السمطة بحال يلا كيتعابرو معاك في شي بلاد ، ولعبار ديال الوزن كيحطوه منو للقزديرة و البرد و لا شوفاج ولا حتى مجيمر شاعل ، بلحق يلا دارو المجامر غادين يوليو يطلبو منا نجيبو الجاوي و الشبة و الحرمل راه ما بايناش عليهم فرمليت ، راهم واقيلا كانو كسالات في شي حمام حيث ملي كينوضو مع شي وحدة تصحب راسك غير في الحمام و كتخلط بكراع مش و كيتشادو بالمعيور و كيدخلو السحرافات بيناتهم ، الحاصول أنا حشمت.
    المهم ملي جربت الولادة و من بعد منها الجلبة حلفت ما نبقى نولد حتى نتحول من الكارة أو يطيرني الله لشي بلاد يحترم فيها المريض و الرضيع و أهلهما أو ندير لاباس و نولي نمشي للبريفي أي القطاع الصحي الخاص .
    واه حنا عاقلين ما كانو يجلبو لينا حتى يختنونا (الأهم فالأهم) و على ذكر الختانة كانو يتسناونا حتى نوليو عارفين باش منبقاوش نتفلفسو قدامهم و نوليو نخافو يعودونا في الختانة كلما درنا البسالة و هذاك الشي علاش جيلنا واقيلا كان يخاف. و نفس الشي بالنسبة للجلبة كانو يتسناونا حتى ندخلو للمدرسة و يجيبو شي مولاي الفرملي كيخلع و كيديرو لينا الصف بحال الخرفان ملي يبغيو يدخلوهم للبوطوار و يبداو يڭـزروا ، واش منك يا غوث واش منك يا بكا و التقفقيفة كانت جماعية ، تقيص صاحبك تلقاه ولا فيبرور تقيس لاخر تلقاه فيبرور تصحب راسك غير في مصنع ديال التيليفونات و كلشي مداير السيلانسيوه مكينش لي ينفنف مع خايفين من المعلمين و المدير و الفرملي ، كنا نحسو أنهم باغين فينا الخدمة هذاك النهار و محاميين علينا.
    اليوم الدري تلقاه ما عاقل على ختانة ما عاقل على جلبة ، كلشي كيديروه ليه ملي يكون باقي كيرضع ... الخلعة بدلت الفيستة ، بكري كانت شادانا حنا اليوم وليتي كتلقى البو بشلاغمو هو لي شاداه الخلعة حيث غادي يختن ولدو ولا يجلب ليه و تلڭاه كيسول واش غادين يديرو ليه البنج بعدا ؟ و علاه نتا يا بوشلاغم فاش ختنوك دراو ليك البنج وفاش دارو ليك هذيك السيكاتريس في ذراعك ديال الجلبة حنّو فيك و بوك بعدا ڭاع محضر ليك فاش جلبتي و ربما مات و معرفكش واش جلبتي ڭاع.
    الدري اليوم كيطلع ناضي مختن جالب و ملي كيوصل سبع سنين ثمن سنين كيولي خاصو البيسي و البورطابل و الإم بي تروا ولا دازو للكات ، حنا ملي كانت عندنا ثمن سنين عاد كيتفكرونا و باش كيتفكرونا ماشي بلارجون دو بوش أي فلوس مصروفنا ولا سبادريا نايك ولا أديداس ، أكانو يتفكرونا حتى يكفّرونا : ها الختانة و بلا بنج و بالمقص و ربعا مزيرينك و هز راسك للسما شوف الفريخ ، أنا فاش ڭالو ليا :"هز راسك شوف الفريخ" كنت بديت نبّت في الموسطاش ، قلت ليهم : "شوفوه نتوما" و هربت و شدوني صحة و خرجو مني العرق لي خرج ليهم ملي كانو تابعيني ، ها المدرسة يدخلوك ليها حتى تولي راجل و يعطيوك فيها العصى و يجلبو ليك فيها و يوكلوك العدس فيها هذاك الشي ربما علاش كنا كنقراو مزيان باش نكملو لونتريما أو السيرفيس ميليتير أو مدة الحبس لي كنا محكومين بيها.
    اليوم المدرسة : ها الاستراحة (حنا في الاستراحة كنا نلعبو الركلة و حابة ديالنا كان ملي يضربك صاحبك للراس و هو كيغوث حابة عينيك تضربهم الضبابة بحرّ الضربة) ، ها الرحلات المدرسية ها الرسم حنا الفيترات كانو كيجيونا شي عجب جاي من القمر ، ها الطوموبيلا تهزك و ترجع حتى لباب الدار ، حنا كنا نمشيو المدرسة بالبوط و نوصلو و نرجعو مصرصطين و يلا كان واد بوعسيلة حامل خلاص منسلكوش.و المعلم اليوم يلا ضرب ليك الدري تقدر تدعيه ، حنا كانو والدينا يحرشو علينا المعلمين و يقولو ليهم يلا ما بغاوش يقراو عطيوهم لعصى ، لعصى في المدرسة و لعصى في الدار.
    المهم حديث طويل هذا و غادين نهضرو فيه فاش نبغي نختن الدري و ندخلو للمدرسة أما دابا نخليكم باش نمشي ندير ليكوش للدري و نشوفو واش راضع و لا نسات مو ما رضعاتوش.
    خليتكم على خير.و الله يسمح لولاد اليوم من والديهم أما جيلنا حنا فالله يسمح لوالدينا من جيهتنا.
    و كيف ما كيقولو ناس زمان :

    لي ما ولد ما عرف حرّ لولاد





    صوصيطة بنت صوصيط

    رقم العضوية : 006
    عدد المساهمات : 32
    السٌّمعَة : 1
    تاريخ التسجيل : 12/07/2010

    رد: اللهم الموت ولا سبيطار الخوت ( الجزء الثاني : الجلبة )

    مُساهمة من طرف صوصيطة بنت صوصيط في الأربعاء نوفمبر 23, 2011 5:58 pm

    ههههههههههههههههههههههه
    لقد أبدعت أخي و الله.
    تابع مشوارك و حاول أن تبحث لك على ناشر ينشر إنتاجك و ستصبح من مشاهير النقد السياسي و الاجتماعي الساخر.

      الوقت/التاريخ الآن هو السبت يونيو 24, 2017 1:00 pm